REPASO NAS FONTIÑAS E ¡¡¡ADIOS AO TÍTULO HONOFÍFICO DE CAMPIÓN DE INVERNO!!!: NANTÓN 3 --- XUVENTUDE 0,

Non puido ser o de gañar, aínda que fora un título honorífico, porque o Nantón goleounos nas Fontiñas por 3-o. N0 descanso 0-0. Partido que comenzou con posesión e control do Nantón que necesitaba gañar para non perder o tren da liga, que tal como dixo Paco o miércoles vendo o partido do Bergantiños-Ponteceso: "nos imos pola liga" . Para iso necesitaban gañar hoxe e gañaron merecidamente. O dito, na primeira parte os 20 primeiros minutos foron deles que tiveron a pelota e o control. Incluso pidieron un penalti sobre Lillo, sobre todo o xogador, que saiu trastabillado dentro da área pero pudo encarar o porteiro, fallou e as protestas arrecieron, sorprendendente a primeira tarxeta do partido viuna Ivan desde o banquillo do Xuventude. Un par de ocasións deles por parte de Froxán e alguha que outra nosa por parte de Vega, con elas cerrouse a primeira parte. O partido acabouse cando no minuto dous Froxán conseguiu burlar a defensa nosa pola parte dereita, tirou e Oscar fixo unha gran parada pero non puido facerse coa pelota e o mesmo xogador marcou o 1-0. A partires de aquí nós inténtamolo pero sin crear ningunha ocasión clara. Desde o minuto 80 o mister decidiu arriscar con unha defensa de tres e ahí sí que foi a debacle total porque como eles tiñan o control do medio campo, como tiveron sempre durante todo o partido, e fixeron contras que se non fora, unhas veces por Oscar, e outras polo seu individualismo, ben poidemos haber recibido un par ou tres de goles maís. Partido gañado xustamente polo Nantón porque foron millores no control, posesión e tempo do partido, aínda que o resultado poida ser algo abultado, e iso digo porque os 10 últimos minutos sobraron. Noraboa ao Nantón e o Bergan que é o novo lider e CAMPIÓN DE INVERNO, sen dúbida merecidamente porque é o único equipo que non perdiu ningún partido. En canto a nós o soño estuvo ben durante case que toda a primeira volta, pero temos que volver a realidade, despeertar e ser obxectivos, o equipo consigue grandes resultados en Cances, coa excepción do partido do Ponteceso, pero temos que recoñecer que fora e en campos grandes, en contra do que pasou sempre, xa que a nós ibánnos os campos grandes, agora corremos como decia o gales Toschah: " como polos sen cabeza", con unha distancia sideral entre líneas e sen apoios e chuzando a pelota para arriba, con prisas moitas prisas. Nestes campos a presión ten que saber facela todo o equipo e non correr por correr. FINALMENTE DARLLE ÁNIMOS A SUSO "GARYGAR". De momento na radiografía que lle fixeron non aparece nada, pero está pendiente de que lle fagan unha resonancia mañán ou pasado. Vamos a ver si ten sorte e a cousa non pasa a maiores. ÁNIMO SUSO. Esto é parte negativa desta nosa afección: as lesións, que neste caso foi totalmente fortuita. Agora coma sempre déixovos con unhas fotos:

NANTÓN 3 -- XUVENTUDE 0