OUTRO REPASO MERECIDO EN PAIOSACO: BERGANTIÑOS 6 -- XUVENTUDE 1

Antes de rematar as crónicas da tempada vou FELICITAR AO BERGANTIÑOS polo ben que nos gañou nesta eliminatoria. Mereceron pasar, son mellores e ante iso non temos nada que facer, salvo intentalo para outro ano e con outros argumentos. NORABOA.

Tamén quero FELICITAR ao AT. MILAGROSA pola brillante campaña realizada na copa. Noraboa e sorte

A eliminatoria xa se decidira o domingo pasado en Cances, pero de todos os xeitos intentámolo. O mister decidiu arriscar e saimos o campo con 3 defensas: Pedro, Alberto e Moi, dous medios: Isidro axudando a defensa e Joaquín intentando organizar,  Pallín de media punta e nas bandas Bernardo e Roberto, arriba Manolo Sorribas e Vega. Presionamos ata quedar sin alento, e incluso xogamos  certo tempo no campo deles. A defensa adelantada case que no centro do campo supuxo que eles incurriran unha e outra,e outra vez en fora de xogo,  pola contra ao asumir riscos tamen chegaron un par de veces con facilidade diante de Chuspo. Nunha fallaron un gol cantado que pegou no largueiro. Así  aguantamos ata o minuto 35 máis ou menos. Aquí xa morreu o conto. O trencilla desde o circulo central estimou que Chuspo lle fixera penalti a Ambrosio,  pitouno e enseñoulle a tarxeta o noso porteiro. Marcou Victor o 1-0. Non tuvo o mesmo criterio cando Isidro, unha vez máis, foi derribado na área deles.

O final desta primeira parte o mister puxo a catro defensa e reaxustou o equipo. O cansancio xa empezaba a facer mella nalgúns xogadores, e o gol acabou de matarnos.

Na segunda parte pintamos o ridículo. Empezamos coa caraja habitual deses 15 minutos que non sabemos nin onde estamos. Máis que un equipo fomos unha banda, cada un xogou a seu aire, donde quixo e como quixo, bueno o de xogar e por dicir algo. O segundo gol cainos nunha perdida de balón no campo deles, atrás quedaron solo Suxo e Alberto, e como eles non son tontos colliu a pelota  Victor foise por patas e 2-0. A partir de aquí o único que fixemos foi divertir aos contrarios. No banquillo deles xa estaban os pesos pesados, Chilin, Pea, Alexo..todo dios o pasou en grande, xogadores, directivos, aficionados, todos, a superioridade era tan manifiesta que nós por corriamos coma polos sen cabeza detrás deles. Poideron meternos 10 goles sin despeinarse, era tal a facilidade que lles demos que incluve un xogador deles nos metiu dous "pases de peito" sen tocar a pelota. Cando eu me tuven que marchar do campo ibamos perdendo 6-0. O resultado fina foi 6-1. Desde logo os contrarios non sufriron moito para golearnos porque por non meter nin metemos o pé, se algún contrario se lesionou foi porque resbalou e caiu. Sintoo por Chuspo, para min quizas o millor porteiro da liga, porque debiu de desesperarse vendo como as hordas do Bergantiños chegaban ante él sin que nadie o impedira. Pero nós somos así todo bondade.
Pitou Gerardo, asistido nas bandas de José-Antonio e Juan. Sen comentarios porque de onde non hai non se pode quitar. 

Esta non era a imaxen coa que debiamos despedir esta tempada pero o fútbol é así, de todos os xeitos gracias a todos os xogadores polo esforzo realizado, e tamén polos resultados acadados, foi un ano moi bó....si señor.

TAL E COMO PROMETIU O PRESIDENTE O 18 DE XUÑO TEREMOS A CEA-BAILE NO CENTRO SOCIAL DE CANCES. NUN PRIMEIRO AVANCE CONTAMOS CON TODOS OS XOGADORES, DIRECTIVOS, COLABORADORES, e algo moi importante, esto tamén inclue AS MULLERES, NOIVO/A, ETC, ECT.. HABERA QUE CONFIRMAR A ASISTENCIA E DICIR CANTOS VEÑEN, PARA PODER FACER A CEA. O MENÚ NON O SEI.

TAMÉN PODERA ASISTIR XENTE QUE NON ESTEA VINCULADA A ASOCIACIÓN, PREVIO PAGO DE 12 EUROS. Seguirei informando.

Agora coma sempre unhas fotiños para recordar:

BERGANTIÑOS 6 - XUVENTUDE 1

BERGANTIÑOS --- XUVENTUDE ÁS 11,00 NA PORTA SANTA DE PAISOCO

Partido de volta. Será en Paiosaco ás 11,00. Temos un sancionado por acumulación de tarxetas que é Garcia.
 

SEMIFINALES: XUVENTUDE 1--BERGANTIÑOS 3, MEDIO NOQUEADOS, O BERGAN TOMA VENTAXE

Antes de iniciar a crónica do partido, sempre desde o meu punto de vista, que ao millor pode  ser subxectivo para moitos, pero que ao fin e a cabo, é tal como eu o vexo, digo, que antes de nada, PEDIRLLES DISCULPAS AOS XOGADORES E DIRECTIVA DO BERGANTIÑOS polo lo incidente involuntario relativo a falta de auga nos vestiarios, cousa axena a nosa voluntade.

Do partido que dicir,  facendo o simil da actual tempada da fórmula 1 de coches na que Red Bull está intratable, na competición de veteranos da costa pasa o mesmo, o Bergan é un auténtico rodillo. Este equipo gaña aínda que non xogue ben. A calidade dos seus futbolistas e o saber estar no campo están a convertilos, hoxe por hoxe, en un equipo inalcancable para todos os demáis.

Este Bergan no é un equipo que enamore por lo fútbol que fai, pero é un equipo tremendamente efectivo. Extrapolando a cousa a niveles profesionais, para min é un equipo MOURIÑISTA, todo efectividad, un conxunto en todo o sentido da palabra, que vai desde o porteiro a calquera dos xogadores que están no banco.

Hoxe no Vinculeiro aproveitou a primeira oportunidade no minuto 4 e Victor marcou desde fora da área, con un tiro cruzado, o 0-1. Cando este equipo se pon por diante xa case que non tes que facer. Foi o primeiro e o único tiro que conseguiu meter entre os tres paus na primeira parte, pero chegoulle para ir ao descanso con 0--1. Sorprendentemente os nosos xogadores, aos que felicito polo partidazo que fixeron,  conseguiron abrir  un boquete na defensa contraria  e  tivemos tres claras ocasións de gol,  dúas deles dous man a man que non soupemos resolver ante un Rafa pretórico.



1-1 ALBERTO



Na segunda parte empatamos no minuto 10 por medio de Alberto que cabeceou un corner sacado desde a dereita da porteria de Rafa. Tivemos a ocasión de adiantarnos por medio de un cabezazo de Isidro que saiu lamendo o pau esquerdo, pero no estaba para nós. A partires de aquí Isidro, que dominaba o xogo aéreo en todo o campo,  case que non puido cabecear máis na área deles, porque teñen oficio e de unha maneira (agarrandoo) ou de outra (bloqueandoo ou desprazandoo) conseguiron neutralizalo. Como é costume nestes casos nas áreas so se lle pitan faltas aos dianteiros, e isto pasa  incluso  na primeira división, na que a permisividade cos defensas e total.

1-2 PEA

O partido escapousenos cando lle da o balón na mán a Moi. O árbitro pitou a falta que foi a uns 15 metros fora da área. Pea, una vez máis (lévanos marcado nos tres últimos partidos), conseguiu  un golazo por toda escuadra e Chuspo, pese a tocala, no puido impedir que entrara na portería. Aquí tendes una imaxen do gol que creo que o dí todo. Ante isto pouco podemos facer salvo felicitar o xogador pola súa execución, non así  pola súa celebración.

O 1-3 conseguirono nunha contra na que nos desboradaron pola dereita por velocidade e creo que foi Roberto quen marcou a porta baleira. O equipo nestes momento, ía o minuto 25, estaba a pasalo mal porque se descompuxo e acusou os goles. Conseguirmos refacernos e inclusive tivemos unha dobre oportunidade por medio de Bernardo que cabeceou ben pero Rafa atallou cos pés, o rebote botouno un dos nosos fora.

De aquí o final foi un querer e non poder, e eles a contra poideron marcar o cuarto, pero Isidro salvou debaixo dos paus.

En definitiva, bo primeiro tempo no que poidemos ir gañando 3-1, porque eles só tiraron no medio dos paus unha vez e foi gol, e no segundo tempo fixemos o que poidemos ante un grandísimo equipo.

Arbitrou Miguel, auxiliado nas bandas por Pillo e Iván, e creo que fixo un aceptable arbitraxe. Nós protestamoslle que non lle sacara tarxetas a Pea e a Chilín, por faltas reiteradas, aínda  que finalmente Chilín viu a amarella ao final do partido. Eles protestaron en imnumerables ocasión os foras de xogo que lle asubiaron. Polo demáis creo que foi un partido competido pero xogado con deportividade.

Agora só nos queda intentalo o domingo. A cousa está moi difícil, pero en fútbol nada e imposible, así que polo menos vamos intentalo.

Agora déixovos con unas fotos do partido.

XUVENTUDE 1 - BERGANTIÑOS 3

Na outra semifinal o At. Milagrosa gañou en Buño 0-1. Mirade que retorcido é o fútbol que nos pode deparar unha final Bergantiños, o campión e primeiro clasificado da primeira división, co último, o At. Milagrosa. Cousas veredes ...Sancho....cousas veredes.

NOTA DO COMITÉ SOBRE A COMIDA DE XUNTANZA DO 10 DE XUÑO

A Asociación de Fútbol de Veteranos da Costa comunica a tódo-los clubs de primeira coma de segunda división que é intención da Asociación o proceder a celebrar a primeira xuntanza de clubs da Costa o día 10 de xuño, venres, no Restaurante Aldeola. Nesa xuntanza procederíase a entrega de trofeos da Liga e Copa temporada 2010/2011 E por suposto, celebraríase a cea-baile para celebrar dito acontecemento. Doutra banda, a Directiva da Asociación de clubs da Costa de Veteranos, decidiu que tódo-los equipos que queiran asistir a dito acontecemento deberán retirala súa entrada (coste da mesma 25€), ben a través da Asesoría Asfeco de Malpica ou ben poñéndose en contacto con Modesto Parga, en Ponteceso. O ÚLTIMO DÍA DE PRAZO PARA RETIRALAS ENTRADAS DA CEA-BAILE SERÁ O XOVES DÍA 2 DE XUÑO, a partir de esa data a Directiva non se fai responsable nin pode garantir que vaia haber aforo para as solicitudes que surxan despois desa data. TAMÉN QUEREMOS INFORMAR QUE SE NON SE CHEGA A UN MÍNIMO DE RESERVAS PA DITO ACONTECEMENTO O MESMO SERÁ SUSPENDIDO.A CANTIDADE MÍNIMA DE ASISTENTES QUE TEMOS ACORDADO CO RESTAURANTE ALDEOLA É DE 200 PERSOAS. Pedimos a inestimable colaboración dos equipos a fin de que esta cea sea un éxito, revalorice e de prestixo a Competición da Liga da Costa de Veteranos. Rogamos un pequeno esforzo a fin de acadar unha asistencia razonable e digna a dito acontecemento.

Atentamente, Modesto Parga.

El Comité

A SEMIFINALES: BÉRTOA 2- XUVENTUDE 1

Na Porta Santa de Paiosaco perdemos una vez máis. O Bértoa pese ao resultado do partido en Cances saiu pola eliminatoria e púxonos as cousas difíciles, moito máis do que parezca o resultado. Na primeira parte, minuto 15, 1-0, e sobre o minuto 30, 2-0. Co vento a favor eles apretaron e apretaron, correron moito de dios, e embotellaronnos no noso campo. Tiveron as súas opcións, porque a verdade e que nós non chegamos a portería deles nin unha soa vez.

Na segunda parte, e co vento a favor, a cousa cambiou. As forzas deles viñeron a menos, e nós xa empezamos a chegar a portería contraria con perigro. Avisou Isidro con un tiro o largueiro, despois de sacar un par de corners. Aínda así eles seguían apretando, correndo moito e loitando o indecible. Tiveron as súas ocasións, desbaratas por un dos millores poteiros desta liga: Chuspo.

Alá polo minuto 35 nun despiste defensivo noso, un dianteiro deles quedou diante do noso porteiro, intentou batilo por alto pero no foi capaz. O fútbol é así de caprichoso e na siguiente xogada un balón que loitou Javier Ferreiro no círculo central, regateou ao defensa e foise por velocidade, entrou na área, driblou a outro defensa e tocouna suave para que non lle chegara o porteiro deles, era o 2-1 e a eliminatoria estaba finiquitada. Gran gol de Javier, perfecto tanto en técnica como velocidade.

Ata o final eles intentarono pero sin sorte.

Chegamos así a nosa TERCEIRA SEMIFINAL de copa. Na primeira contra o Ponteceso, estábamos clasificados pero unha xogada desgraciada no minuto 93 deixounos fora. Esa ano gañoulle o Buño o Ponteceso. Na segunda caemos contra un gran San Román, pese a que perdemos alí 1-0, en Cances díronnos un repaso de cuidado 1-5. Agora xogamos a nosa terceira, a ver si a terceira é a vencida. Non vai a ser fácil tócanos xogar contra o millor equipo dos últimos anos: o BERGANTIÑOS. Se queremos ter algunha opción debemos de estar TODOS e ben concentrados, teremos que xogar ao 120 por 100. Os favoritos son eles por un marxe amplo, nós non temos nada que perder porque a temporada creo que foi excelente: terceiros na liga, en donde tivemos opción ata os últimos 4 partidos, e semifinalistas de copa ¿alguén o ía pensar cando empezou esto?.

Noraboa aos outros tres semifinalistas: O Bergan que empatou en Castriz e pasa polo valor doble dos goles, ao At. Milagrosa que despois dos sinsabores da liga está a facer un gran competición de copa, e os nosos veciños de Buño que lograron eliminar ao finalista do ano pasado o Corcubión, na tanda de penaltis. Sorte.

Agora coma sempre unhas fotiños do partido en Paiosaco.

BÉRTOA 2 - XUVENTUDE 1

BÉRTOA -- XUVENTUDE ÁS 11 EN PAIOSACO

Domingo xogamos ás 11 no campo de Paiosaco. Pitará Isidro, asistido nas bandas por Pepe Novo e Alfonso.
Pallín e Roberto Mella non poderán xogar pola expulsión sofrida o domingo, ademáis temos que pagar 10 euros de sanción por cada un deles. No a coña saiu de carallo, así que todos os que poidades ir a xogar porque o campo este non se nos da ben e a pesar do resultado non está nada ganado.

XUVENTUDE 5 -- BÉRTOA 1

Unha vez más o Vinculeiro foi un talismán para nós e conseguimos gañarlle ao Bértoa 5-1.

Goles: 1-0: Pallín, sobre o minuto 25. Así rematou a primeira parte, pero por casualidade porque no minuto 30 Gonzalo desaproveitou un penalti, que parou Chuspo.  Nestes primeiros 45 minutos ademáis do gol e o penalti, nós tivemos outras dúas ocacións moi claras de García, una foi ao pao e outra quitouna un defensa cando xa estaba o porteiro batido. Pola súa parte o sempre perigroso Gonzalo tivo outra ocasión que novamente Chuspo despexou. Bonito fútbol de ataque nesta primeira parte.

Na segunda parte: minuto 10: 1-1 Gonzalo. Minuto 15, 2-1: Isidro despois de un lanzamento ao pao de Joaquín ao sacar unha falta directa. 3-1: Garcia minuto 19, 4-1: Joaquín de penalti, sobre o minuto 25, finalmente sobre o minuto 35 5-1 gol de Malpica. 

Este segundo tempo foi máis trabado e houbo moitas faltas, ainda así nos tivemos unha triple ocasión para facer o 6-1 que mandamos ao pao, e eles cando remataba o partido tamén mandaron un cabezazo ao pao.

Os últimos 10 minutos tivemos que afrontalos con 9 xogadores porque o trencilla expulsou a Pallín por poñerse diante dun balón no saque de unha falta na portería deles, e xa tiña tarxeta, e tamén expulsou a Roberto Mella por mán e xa tiña outra tarxeta por unha entrada. A parte de isto vimos outras 4 tarxetas más. Xa no minuto 20 de partido tiñamos 4 ao lombo. Ao Bértoa enseñaronlle 3.

Victoria agridulce no que o millor foi o resultado e o pior as expulsións. 

Personalmente penso que nós non temos sorte coas arbitraxes deste rapaz.  Que eu me acorde nunca nos fixo unha arbitraxe medianamente decente. Non sei porque coño é pero os partidos con él sempre teñen que ter algo. E non é porque nós o teñamos de ollo, e supoño que él a nós tampouco, pero a verdade e que cada vez que nos asubía sempre ten que pasar algunha cousa rara...rara. Pese a todo teño que dicir que a maoiría das tarxetas foron xustificadas e que pitou na súa línea. Non tuvo influencia no resultado.  Foi auxiliado nas bandas por Juan e José Antonio que "luciron" uns banderins modernos, funcionales e que pesaban pouco ¿a que sí? jejejejejeje.

Nos demáis encontros houbo poucos goles o Bergan e o Castriz empataron a ceros, o mesmo que o At. Milagrosa e o Porteño. O Buño perdiu pola mínima en Corcubion. 

Quedan noventa minutos e nada está decidido.

E coma sempre unhas fotiños para recordor o evento:

XUVENTUDE 5- BÉRTOA 1

XUVENTUDE -- BÉRTOA: DOMINGO ÁS 11,00 NO VINCULEIRO STADIUM

Arrincan os cuartos de final. Tócanos xogar co Bértoa en Cances as 11,00 da mañán.


Como xa é normal estos últimos anos, a partires de aquí todos os partidos van ser dirixidos por tres árbitros. A nós nesta ocasión tocounos Iván, auxiliado nas bandas por José-Antonio e Juan.

XUVENTUDE -- BÉRTOA

DOMINGO ÁS 11,00

NO VINCULEIRO

XUVENTUDE 4 - MALPICA 0

Partido de volta no Vinculeiro Stadium que unha vez máis, este ano, foi talismán. Victoria por 4-0 fronte o Malpica. O millor do partido foil o resultado. Na primeira parte 2-0 goles de Vega e Bernardo. Na segunda outros dous obra de Vega e García, este quizais o millor gol dós últimos partidos.
Foi un partido mediocre pola nosa parte. Xogamos ben os 20 primeiros minutos, o resto do partido foi un toma e daca no que o Malpica non conseguiu ningún gol pola súa falta de acerto diante da nosa portería. Destacar a deportividade de ambos equipos.
Aquí vos deixo unhas fotiños do evento:

XUVENTUDE 4 -- MALPICA 0